Kunduz dilga fitna solar jamoli,
Kechasi band etar yana xayoli.

Ishqiga bir qadam qo’yganing zamon,
Unut bo’lar undan o’zga, keng jahon.

Sevging oldida zar topolmas qadr,
Sening uchun zaru tuproq bari bir.

O’zga hamdamligin diling istamas,
U bor joyga sig’mas boshqa biror kas.

Ko’zlaring ichidan berasan manzil,
Ko’zlar yumilganda manzildir ko’ngil.

Na rasvo bo’lishdan dilda musibat,
Na bir dam toqatga dilingda quvvat.

Jon istasa labdan tutarsan jonni,
Tig’iga tutarsan bosh sargardonni.