Uzoqdan termulib suygandan ko'ra,
Alamlar o'tida kuygandan ko'ra,
Jonimni azobga qo'ygandan ko'ra,
Yurganim yaxshidir sizni sog'inib.
"Sevdim" degan so'zim yerda qolguncha,
Hijolatda ko'zim yerda qolguncha,
Siz osmonda, o'zim yerda qolguncha,
Yurganim yaxshidir sizni sog'inib.
Beshafqat hirondan muruvvat kutib,
Besamar visolni bahridan o'tib,
O'zimdek Majnunlar etagin tutib,
Yurganim yaxshidir sizni sog'inib.
Sizni ko'rib dardim yangi bo'lgandan,
Qalbim g'arib xayollarga to'lgandan,
Do'stu dushman bu holimga kulgandan,
Yurganim yaxshidir sizni sog'inib.
| 
>> 
