Sen - sevgi diyorin malikasisan,
men esa uning bir chin fuqarosi.
Chaman aro gullar mahliyosisan,
Boshimda bulbuldek ishq mojarosi.

Sening darding men uchun g`amdir,
mening g`amim sen uchun zo`r dard.
Sen shod bo`lsang dilda ko`klamdir,
Ishqing bilan yasharman xursand.

Sening ko`zing ko`nglimga shamdir,
Nur sochmasa,yuzim bo`lur zard.
Iliq so`zing jonga malhamdir,
Hesh qo`nmasin ko`zlaringga dard.

Seni ma`yus ko`rsam - olam qorong`i,
Yulduzlar yuzini to`sadi bulut.
Zanglagan shamshirday etadi sukut,
Samoga sanchilgan oyning o`rog`i.

Jonginam,senga gar qilsam hiyonat,
Muhabbat haqqi-chun torturman jazo.
Shu kuni qalbimda ishq qilur qazo,
Bundan ortiq yo`q deb,yorga jinoyat.

Gar menda bo`lmasa zarra diyonat,
Umrimga muhabbat o`qir janoza.
Yo qalbim sihqimga tutmagay aza,
Elu yurt oldida bo`lgum hikoyat.

Ey mening go`zalim,mening farishtam,
Senga tushganidan dastlab nigohim.
Yulduzday beshumor balki gunohim,
Ey mening go`zalim,mening farishtam.

Ko`zingda o`zimni ko`rgan onlarim,
Umrimning eng bahtli soati erur.
Sevgimning Toj-tahtli davlati erur,
Ko`zingda o`zimni ko`rgan onlarim.

Sen hamon bilmaysan sevishim chindan,
Yo bilib shunchaki etursan gumon.
Shubhalar o`tida yonib beomon,
Bo`lar bo`lmasga ham ranjiysan mendan