Kelar kundan yo'q umidimiz
Lek kerakmiz bir-birimizga
Qovushmoq-chun yo'q vujudimiz
Biz yurakmiz bir-birimizga Agar seni sevmagan bo'lsam
O'par edim qo'lingdan bir bor
Sen azizsan sevinchimdan ham
Yetkazmoqdan qo'rqaman ozor Biz sevdig-u yuraklarimiz
Uchib yurgan ikki farishta
Oyog'ingga bosh uray desam
Oyog'ing ham ko'kning arshida Dunyo buncha yorug' sevgilim
Nega buncha aziz bu hayot
Chunki bizga osmon begona
Endi bizga yer ham etti yot Kelar kundan yo'q umidimiz
Va ertaga ketsak ham ajrab
Sevgimizni yuraklarimiz
Ko'k toqida yurishar asrab Biz falakning nurli arshida
Hali ming yil suramiz davron
Yuragimiz ikki farishta
Farishtalar o'lmas hech qachon..
| 
>> 
