Egilib mag‘rur qaddim,
Otdan tushsa omadim,
Unutma muhabbatim,
Meni doim eslab yur. Xushroq edi ko‘nglimiz,
Gulbog‘ edi ko‘nglimiz
Begonamiz endi biz,
Meni doim eslab yur. Baxtni olisdan kutdim,
Orzularga gul tutdim,
Goho seni unutdim,
Meni doim eslab yur. Sevdim gul yuzni degan
Dilga jabr ko‘p ekan,
Chap ko‘ksim to‘la tikan,
Meni doim eslab yur. Ko‘nglim kuz, o‘zim xazon
Ishq uvol, tole yolg‘on,
Ko‘rishmasak qadrdon,
Meni doim eslab yur.
| 
>> 
