Ko'zing quyoshmi - oymu?
Boqsam qamashar ko'zlar.
Jilolanib tovusdek,
Turishlaring yoqadi!

Qomatingga parivash,
Tasaddiq desam jonim.
Erkalanib lablaring,
Burishlaring yoqadi!

Qaynab toshib yuragim,
Bir bo'sa xumor etsam.
"Yomonsiz" deb chakkamga,
Urishlaring yoqadi!

Kim edi u deb g'avg'o,
Turishlaring yoqadi.
Shirin-shirin hayollar,
Surishlaring yoqadi!

Erkam menga nozlanib,
Yurishlaring yoqadi.
Gulday ochilib yayrab,
Kulishlaring yoqadi!