Iltifot qilmasin daydi shamollar
Uchirib ketsin u omonatlarni
Shamol bir kun tinib tashlab ketadi
Men esa qilmasman xiyonatlarni

Qizlar! Hadiksirab deyman bu so'zni
Ular shunday go'zal, ular shunday yosh
Ammo ulardan ham yosh va go'zalroq
Mening qalbimdagi qo'shiq va bardosh.

Men seni bermasman yulduzlarga ham
Mening orzularim ulardan baland
Men seni chorlayman tilaklarimga
Yulduzdan yuksakda tiklagancha qad

Sen hali bilmaysan men kimligimni
Behuda sevmaydi ko'ksimda yurak
Hech qachon, hech kimga bermayman seni
Sen faqat meniki bo'lishing kerak !!!