O'zim qo'yib osmonga,
Ishonmay sevgan jonga,
Ishontirib yolg'onga,
O'zingmasmu-o'zingmasmu yolg'onchi yorim.

Sevganing ham men degan,
Layloing ham men degan,
Sensiz o'laman degan,
O'zingmasmu-o'zingmasmu yolg'onchi yorim.

Kelaman deb kuttirgan,
Qancha alam yuttirgan,
Bu ham kam deb kuydirgan,
O'zingmasmu-o'zingmasmu yolg'onchi yorim.

Alda meni,Alda meni to'yguningcha,
ishonaman yolg'iz senga o'lgunimcha.
Yolg'onchi yor kechir meni yolg'onlarim,
Aldasam ham senga chin yor o'lgunimcha.

Qancha alda senga shuncha ishonaman,
Ketolmayin atrofingda parvonaman.
Yolg'onlaring sog'inaman yolg'onchi yor,
Yolg'on emas men hammadan qizg'onaman.