Goh esarman yellar kabi,
Goh to'zarman yerlar kabi,
Goh oqarman sellar kabi,
Kel, ko'r, mani ishq nayladi.

Oqqan suv kabi yig'larman,
Dardli yuragim dog'larman,
Yorim-chun ko'ksim tig'larman,
Kel, ko'r, mani ishq nayladi.

Yo qo'lim ol, qoldir mani,
Yo vaslingga qondir meni,
Ko'p yig'latding kuldir meni,
Kel, ko'r, mani ishq nayladi.

Majnun o'lubon yururam,
U yorni tushda ko'ruram,
Uyg'onim malul o'luram,
Kel, ko'r, mani ishq nayladi.

Ishqing mani mast ayladi,
Oldi ko'nglim xas ayladi,
O'ldirmakka qasd ayladi,
Kel, ko'r, mani ishq nayladi.

Miskin Yunus bechoraman,
Boshdin oyog'i yoraman,
Do'stni izlab ovoraman,
Kel, ko'r, mani ishq nayladi.