Meni suyib qolsangiz...
Og`rinmayman xasta dilimni
Azoblarga takror solsangiz
Dardga mute bo`lmasdim
Agar...
Agar... Meni suyib qolsangiz
Jon-jon derdim
Bir qatra yoshday
Ko`zingizda bol`sam jon derdim
Kaftingizda adashgan qushday
Uxlab qolsam...
O`lsam jon derdim
Yomg`irlarda topilgan sevgim
Yomg`irlardan sovuqroq, muzroq
Mehringizga isinay desam
Ko`nglingizga yo`llarim uzoq
Qarshingizda turaman kulib
Go`yoki yo`q zarracha g`amim
Asli jonim turar to`kilib.
Ko`zlarimda yomg`irning ta`mi
Dardning buncha qirralari ko`p
Xazoni ko`p sevgi bogi`ning.
Xudoyimga yig`layman har kun
Meni eslang.
Meni sog`ining
Tun pinjida o`tiraman jim
Yuragimga urilar sellar
Bu dunyoda bezavol, baxtli
Muhabbatga aylangim kelar
Yig`lamayman,
Kuyuk dilimni-
Aldovlarga chayib olsangiz...
Baxtga muhtoj bol`masdim
Agar...
Agar meni suyib qolsangiz.
|
| Категория: Mening olamim she'rlari | Добавил: Jalolbek (15.10.2007)
|
Просмотров: 814 | Комментарии: 1
| Рейтинг: 5.0
|
>> 
