Navqiron yoshimda boshim egdi u,
Ko'zimda shashqator yoshim to'kdi-ku,
Adl bu qomatim toldek bukdi u,
Suyanchim, tayanchim bo'ldi muhabbat,
Ovunchim, yupanchim bo'ldi muhabbat. Hijron qutqu solsa dilim vayrondir,
Visol sirli kulsa ko'nglim vayrondir,
yuzin ko'rsatmasa alam armondir,
dardim, darmonim ham bo'ldi muhabbat,
Yo'llarda sarbonim bo'ldi muhabbat. Muhabbat neligin hech bilmas edim,
Shungacha chindan ham hech kulmas edim,
Yurakni bu qadar ko'p tilmas edim,
G'amim ham, g'ururim bo'ldi muhabbat,
Sevinchim, sururim bo'ldi muhabbat.
| 
>> 
