Men bir qo`shiq yozaman kelganda bahor,
Bir qo`shiq yozaman to`lganda anhor...

Chimildiqlar dor bo'ldi,
Mening ko'nglim zor bo'ldi,
Baxt uyi bozor bo'ldi,
Sevaman deb kuydi dilim,
Men sevgan qiz endi kelin....

Baribir, borar joyimiz qora tuproq - qabr,
Insonga azaldan azizdir umr,
Dunyo lazzati gohida ko'pu, gohida kam,
Boriga shukr qil, yo'g'iga sabr....

Ko'p adashdim, endi yorim, hech adashmay,
Siz go'zaldan sadaqa bir ishq talashmay,
Bedil bilan dil bozormas, savdolashmay,
Hayr demay, ketavering, hayrlashmay....

Xayolimdan o'tib tursang, qandoq chiday,
Zimdan ta'qib etib tursang, qandoq chiday?...

Nega tinch qo'ymaysan, yuragim, meni,
Qalbim devoriga bag'rimni urib,
Shunchalar ummonli firoqing sening,
Munchalar yig'laysan, madoring qurib.

O'tinib so'rayman, yig'lama yurak,
Muhabbat chiroyin sig'dirgan nigor.
Qalbi tun bo'lsa-da ayrilma, aslo
Dunyoni qon bilan yuvsa-da, ming bor.
Sevgini qadr etmas, bevafo falak
O'tinib so'rayman, yig'lama yurak.

Qo'shni qizning kipriklari nam,
To'yxonada yoshlar kulgusi.
Bor edi-ku, qo'shni qizning ham,
Shu hovliga kelin bo'lgisi...

Kipriklaring ko'z yoshlardan egildi,
Mening qalbim alamlardan ezildi...