Aziz foydalanuvchilar! Bu she'r hali hech qayerda chop etilmagan.
www.mir.moy.su sizga exclusive prem'era taqdim etadi!

Sevgim,
Ko'zlaringdan hushlandimmi,
Quchog'ingdan bushaldimmi,
Kiprigingga qo'ngan menmi?
Salom deymi, hayr deymi?....

Jonim ermak emas, o'yinmas mehr
Ikki yurak uchun mavjud ilmdir
Mehring hayotimga bosilgan muhr
Men uchun azadir, to'ydir, o'limdir !

Salom senga ey notanish do'st
Bilaman negadir so'z qotmoq bo'lding
Yoki Laqabimdan tanishga yo'yib
Men haqda aniqroq bilmoqchi bo'lding! ...

Ishonmayman o'zim o'zimga
Bir dunyo g'am ko'zimda jodir
Nahot mening ma'yus yuragim
Senga mehr tutmoqqa qodir?

Bilmaymanmi? Bilaman- uyat,
Andishani chetga suraman.
Ishoning, yo'q hech yomon niyat,
Sizni yomon yaxshi ko'raman...

Sog'indim, tushingga kiraman, qo'rqma,
Qoshingda ohista yuraman, qo'rqma.
Uyg'onsang ilk bora ko'rishing uchun,
Sekin kiprigingga qo'naman, qo'rqma.

Uyg'onma, uyg'onsang ketib qolaman,
Orom ol, tushingga qaytaman yana.
Nozik qulog'ingga bosib labimni,
Sen istagan so'zni aytaman yana.

Mayli men gunohkor, siz bir begunoh
Qalbimda yashaydi alamli bir oh
Mehringiz taftidan topmasam panoh
Menga ne kerakdir bu totli hayot?

Mayli-da kimgadir yoqsa yoqmasa
Ularga qo'shilib yig'lasharmidik
Biz baxtli bo'lamiz xudo xohlasa
Xudo xohlamasa uchrasharmidik...