Dunyoda yagona, tengsiz yor o’zing,
Men seni sevaman, sevaveraman.

Bugun men-chun boshlanar hijron
Visoling ko’raman oxirgi marta
Sen-la o’tgan har lahza, har on
Muhrlanar qalbga albatta...

Muhabbat zavq emas, yo'q u bir otash,
Havas qilgan ko'ngillarga ermak emas u!
Sevmoq asli birov uchun bahshida yashash,
Sevilmoqlik - o'z erkini rad etmoq mangu! .....

Sоg’inishni bilmassiz balki, sizga bunday tuyg’u bеgоna
Mеn ekanman ko’rganda qalqib, muhabbatim tutgan dеvоna.
Balki sizni o’rtab gumоnlar, sоvutgandir nоzik mеhringiz,
Yo yo’lingiz to’sdi armоnlar, yo sеvgimdan kulib kеldingiz.
Mеnchi хanuz tоg’larga qadar, qоvrilaman azоbda yonib,
Unutaman dеyman har safar, unutaman o’zimdan tоnib.
Yuragingiz shu qadar хissiz, kеtasiz ham bеfarq siz kеlib,
Muhabbatning sadоsi izsiz, adashdimmi mеn sizni sеvib?!

Zarlaring gunohing yuva olurmi,
Yolg’onlaring Alloh kechirarmikan?
Dushmanlaring mo’ldir, son-sanog’i yo’q,
Bir o’yla, iymonli do’sting bormikan?.....

Ishqning osmonida oyga qo’shilib,
Aylangan boshingga bulutlar qaytar.
Mening quchog’imda kuyday eshilib,
Asta shivirlaysan:
- Joningiz qayda?...

Men senga osmonni keltirdim, sevgim,
Anov ikki to’zg’in buluti bilan,
Nimta oyi bilan, hududi bilan –
Men senga osmonni keltirdim, sevgim...

Sevgimiz o’ldimi? - libosingiz ko’k,
Ko’nglingiz – begulxan, ko’zingiz – becho’g‘.
Bizdan borish yo’qdir, sizdan – kelish yo’q –
Kelishsiz dunyoda beg’am, azizim,
Nega ko’zlaringiz benam, azizim...