Мухаббат кўнгил йўлдоши, кўза синса ямаса бўлади, кўнгил синса ямаб кўрчи, ўрни қолади. Мухаббат ҳам шундай нарса, уни тилсанг ўрни битмайди. Севгига ишониш керак, менимча. Одамларни севгига ишониши учун ичсак қандоқ бўларкин дўстлар?

Севги нима? Инсониятнинг азалий бу жумбоғига хеч қаерда жавоб йўқ гўё.... Сени ғарибу бечора қилиб қўядиган бу қудратли туйғу не аслида?.... Севганингни бир имдодига минг йўл босасан. Яхши кўраман, дейиши учун миллион сўзни маржондай терасан. Ишонтириш учун эса туйғуларинга жило бериб, изҳор шаклига келтирасан. Унинг кўнглига киришга йўл излаб сарсон бўласан. Энди билсам ана шу сарсонлик - мухаббат экан. Ҳеч ким мухаббати деб сарсон бўлмаслиги учун ичамиз.

Мухаббат мисоли бир капалак, шўрликни тутгани қўрқасан хатто, капалакни кувгани хаммани ёдидадир лек ёдида йўк уларни етгани. Келинг Мухаббатимизга доим етишиш учун ичайлик.

Фожеа севгининг ўткинчилигида эмас, фожеа - ўтиб кетмайдиган мухаббатдадир. Мухаббат йўқ жойдан пайдо бўлади ва хамма нарса туфайли тугайди. Севги куртак ота бошлаганида келажак ҳақида, тугаётганида эса ўтмиш ҳақида сўзлайдилар. Келинг ушбу қадаҳни севги қалбларда абадий қолиши учун ичайлик.

Икки жинс бир ёстиққа бош қўйиши билан, масаланинг бир томонини олиб айтганда, ўтмиш ва келажак наслини бир-бирига боғлайдиган ҳалқа вужудга келади ва бу ҳалқани вужудга келтирадиган ҳар икки томон ҳам ўзини ўз жинсининг энг мукаммали деб билади. Орага бошқа бировни суқилиб кириши "бу ......"....

Хақиқий муҳаббат тараша ёки пайраханинг ўтига ўхшаб ловуллаб ёниб бир зумда ўчмайди. Балки саксовулнинг чуғига ўхшаб тутаб, суст ёнади, лекин харорати зўр бўлади, анча фурсат ўчмай туради. Хамманинг ҳам мухаббати ҳақиқий ва узоқ ёниши учун ичайлик.

Юлдузларга етган бу қўлим,
Гул юзингга етмади, гулим!
Кўкда оймас, дардим бир тилим,
Севиб севилмадим, севгилим!
Ана шундай сатрлар менинг қалбимдан чиқди.
Лекин асло Сизнинг қалбингиздан чиқмасин.
Ҳар доим Сиз ўз бахтингизга етишинг.
Келинглар барча севишганлар учун ичамиз!!!

Аёл сизни жуда қаттиқ севса, хушёр бўлинг. Оташин муҳаббат - рашкка, рашк - шубхага, шубха - худбинлика, худбинлик - душмандликка айланиши мумкин. Қадаҳни муҳаббат - ҳеч қачон рашкка айланмаслиги учун ичайлик!!!