Gunohim-sevganim, dushmanim-g'urur,
Xokisor sevgida ayb yo'q zarracha.
Yig'loqi ko'nglimni ovuta olmay,
sarson tentirayman bedor tonggacha.

Hamon yodimdadir, oq oqshom edi,
Oydinda chinorlar so'ylardi sirin.
Ikkimiz yonma-yon borardik so'zsiz,
Sukunat qo'ynida bir sir yashirin.

Sog'ingan yuragim intizor hamon,
Yetaklar xayolning har ko'chasiga.
Vaqt esa baxtimni qilmoqda xazon,
Gunohga botishdan qo'rqmas o'zicha.

Nigohlar tushdiyu qadaldi cho'g'lar,
U oddiy cho'g' emas cho'g'langan o'qlar,
Shundan beri bu jon bir sizni yo'qlar,
Shodman ruxsoringiz ko'rsam har safar, Nilufar!

Mehrdan yaralganday uning shahlo ko'zlari,
Asaldan ham shirindir har bir aytgan so'zlari.

Subhi sodiq saharlarda sochin silar sanam
Sunbul sochin silamagay
Soch sarasin sanar sanam
Sadoqatda sevgisining sobitini sinar sanam
Suluv sanam siymosiga suqlanadi suyib samo
Samodagi soxta sabolarni siylar sanam...

Azoblarga giriftor
Etma meni sen siz yor
O'tar tunlarim bedor
Bilgin bu dunyoda bor
Seni kutgan intizor
Qalbga bermagin ozor...

Derazamdan boqadi ma'yus,
tashqarida uvillab shamol.
Nigohimiz bo'lib yuzma-yuz,
Go'yo so'rar mendan hol-ahvol.